Меҳнатни муҳофаза қилиш масалаларини бошқариш

«Ўзбекнефтгаз» АЖ ўз ходимлари ва пудратчи ходимлари учун хавфсиз меҳнат шароитларини таъминлашни ўзининг асосий устувор йўналишларидан бири деб билади. Компания илғор тажрибаларни қўллаш ва ходимларни мавжуд корпоратив дастурларга фаол жалб қилиш орқали амалдаги меҳнатни муҳофаза қилиш ва хавфсизлик тизимининг (ММ ва СХ) самарадорлигини доимий равишда оширишга интилади.

Тегишли назоратни таъминлаш учун компаниядаги ММ ва СХ масалалари саноат хавфсизлиги, меҳнатни муҳофаза қилиш ва экология бўйича Ягона бошқарув тизими (СХ, ММ ва ЭБЯТ) томонидан тартибга солинади. Ушбу бошқарув тизими ISO 9001:2015, ISO 45001:2018 (OHSAS 18001), ISO 14001:2015 и ГОСТ 12.0.230 – 2007 стандартлари талабларига мувофиқ ишлаб чиқилган, жорий қилинган, сақланган ва такомиллаштирилган.

2022 йил охирига келиб компаниянинг 20 та корхонаси ISO 45001 (OHSAS 18001) сертификатига эга бўлди ва компания бу рақамни кўпайтиришни давом эттиришни режалаштирмоқда. Бундан ташқари, «Ўзбекнефтгаз» АЖ ўз фаолиятини амалга оширишда бошқа халқаро ва миллий талабларга риоя қилишга интилади.

"Ўзбекнефтгаз" АЖ да саноат хавфсизлиги, меҳнатни муҳофаза қилиш ва екология бошқарувининг ягона тизими схемаси

СХ, ММ ва ЭБЯТ таркибига компания бошқарувининг барча даражалари вакиллари киради.

Компания ва унинг таркибий бўлинмалари ММ ва СХ доирасидаги асосий вазифалари қуйидагилардан иборат:

• ишлаб чиқаришни бошқаришнинг барча даражаларида саноат хавфсизлиги ва меҳнатни муҳофаза қилиш соҳасидаги ишларни ташкил этишни такомиллаштириш;
• компания ходимлари ва пудратчилар учун хавфсиз меҳнат шароитларини таъминлаш;
• санитария - техник меҳнат шароитларини нормаллаштириш;
• меҳнат ва ишлаб чиқариш интизомини мустаҳкамлаш;
• ходимлар учун санитария ва маиший хизматлар;
• ишлаб чиқаришдаги бахтсиз ҳодисаларни ўз вақтида ва тўғри текшириш ва ҳисобга олишни таъминлаш ва уларнинг сабабларини бартараф этиш;
• менежерлар ва муҳандис-техник ходимларнинг меҳнат хавфсизлиги бўйича жавобгарлигини ошириш;
• хавфсиз меҳнат шароитларини таъминлашда ишчилар, хизматчилар ва муҳандис-техник ходим мутахассисларининг фаоллиги ва қизиқишини ошириш ва унга кўплаб ишчилар ва касаба уюшма фаолларини жалб қилиш.

Компания мунтазам равишда ходимларнинг соғлиғини сақлаш ва меҳнат хавфсизлигини таъминлашга сармоя киритади. Ҳисобот йилида ММ ва СХ бўйича жами харажатлар 53,9 млрд сўмдан ортиқ (5,9 миллион АҚШ доллар) ни ташкил этди.

«Ўзбекнефтгаз» АЖ жароҳатларнинг олдини олиш ва хавфсиз меҳнат шароитларини таъминлаш мақсадида ўз ходимларининг меҳнат хавфсизлиги маданиятини оширишга алоҳида эътибор қаратмоқда.

2022 йил давомида компаниянинг 1384 ходими ММ ва СХ бўйича ўқитилди, кириш йўриқномасида 4157 ходим қатнашди.

2023 йилда ММ ва СХ соҳасида қуйидаги тадбирлар режалаштирилган:

• 2023 йилда ММ ва СХ соҳасида қуйидаги тадбирлар режалаштирилган:
• ходимларни даврий тиббий кўрикдан ўтказиш, тикланиш учун зарур чораларни ташкил қилиш;
• суғурта компаниялари билан шартномалар тузиш ва ходимлар учун суғурта полисини олиш;
• ММ ва СХ соҳасидаги билимларни раҳбарият, компания менежерлари ва доимий комиссия аъзоларидан даврий текширишни ўтказиш;
• ходимларнинг атроф-муҳитни муҳофаза қилиш, биринчи ёрдам ва ёнғин хавфсизлиги соҳасидаги билим ва кўникмаларини ошириш бўйича ишлар олиб бориш;
• Коронавирус тарқалишининг олдини олишга қаратилган чора-тадбирларни давом эттириш;
• компания таркибий бўлинмаларида ISO 45001 ва ISO 14001 халқаро стандартларини жорий этишни давом эттириш;
• • саноат хавфсизлиги соҳасида ишлаб чиқариш объектларини мониторинг қилишнинг ягона автоматлаштирилган тизимини яратиш лойиҳасини амалга ошириш. Бундай тизимнинг жорий этилиши ахборот алмашиш жараёнларини автоматлаштиради, хавфли ишлаб чиқариш объектларининг ягона маълумотлар базасини яратади ва хавфли ишлаб чиқариш объектларидаги авариялар ва бахтсиз ҳодисалардан ҳимоя қилиш даражасини оширади.

Ишда хавфсизликни таъминлаш ва саноат жароҳатларнинг олдини олиш

«Ўзбекнефтгаз» АЖ барча турдаги ишлаб чиқариш операцияларида, шу жумладан саноат бино ва иншоотларини қуриш, таъмирлаш ва улардан фойдаланишда ММ ва СХ соҳасидаги талабларга риоя этилишини фаол назорат қилади. Потенциал хавфли элементларни ўз вақтида аниқлаш ва йўқ қилиш учун барча саноат бинолари ва иншоотлари даврий техник кўрикдан ўтказилади ва доимий ва капитал таъмирланади.