Корпоратив стратегиясини шакллантириш.
Ўрта ва узоқ муддатли ривожланиш стратегиясини ишлаб чиқиш учун "Катта учлик" бошқарув консалтинг компанияси Boston Consulting Group (BCG) иштирок этди. Консультантлар томонидан қуйидаги бизнес сегментларида иш олиб борилади:
- геологик қидирув;
- ишлаб чиқариш (добыча);
- нефтни қайта ишлаш ва газ кимёси;
- маркетинг ва сотиш;
- ESG.
Ушбу ишларнинг мақсади компаниянинг молиявий ва операцион самарадорлигини ошириш ва «Ўзбекнефтгаз» АЖ стратегиясини соҳадаги ўзгаришларга, шу жумладан ESG соҳасида корпоратив амалиётни жорий этишга мослаштиришдан иборат. "Геологик қидирув ва қазиб олиш", "Нефт ва газни қайта ишлаш ва газ кимёси", "Сотиш ва маркетинг", "Барқарор ривожланиш ва ESG" бизнес сегментларида ўтказилган диагностика натижалари асосида BCG компанияси томонидан «Ўзбекнефтгаз» АЖ нинг ўрта ва узоқ муддатли ривожланиш стратегияси бўйича ҳисобот тайёрланди.
ESG соҳасида амалиётларни жорий қилиш.
Ўзбекистон Республикаси Президентининг 2019 йил 9 июлдаги ПҚ-4388-сонли Фармонига мувофиқ «Ўзбекнефтгаз» АЖ зиммасига 2020 йил охиридан бошлаб иқтисодий, ижтимоий ва экологик муаммолар (ESG), шу жумладан Global ҳисобот ташаббусига (GRI) мувофиқ ҳисобот нашр этиш вазифаси юклатилган. Шу мақсадда халқаро консалтинг компанияларини жалб қилинган ҳолда ESG стандартларини барқарор ривожлантириш ва амалга ошириш бўйича турли ташаббуслар ишлаб чиқилган. PwC ва BCG компаниялари ESG профилининг диагностикасини ўтказдилар ва уни такомиллаштириш бўйича тавсиялар ишлаб чиқдилар; BCG маслаҳатчилари компаниянинг as is мавжуд ҳолатининг модели E (экологик) ва S (ижтимоий) йўналишларида, PwC консультантлари эса G (корпоратив бошқарув) йўналиши бўйича вазиятни тасвирлаб бердилар.
2022 йилда ESG жавобгарлик маркази ташкил этилди ва алоҳида ESG татбиқ этиш бўлими очилди. Ваколатли ходимлар компаниянинг ESG мақсадлари ва уларнинг кўрсаткичлари лойиҳасини ишлаб чиқдилар, шунингдек ESG рейтинг агентликлари талабларига мувофиқ компания фаолиятини батафсил таҳлил қилдилар ва таҳлиллар асосида «ESG рейтингини олишга тайёргарлик кўриш бўйича чора-тадбирларнинг Йўл харитаси» ишлаб чиқилди.
