Национальная Холдинговая Компания “Узбекнефтегаз”

A+ A-
  • (998 71) 233-57-57 Ягона алоқа рақами
  • (998 71) 233-28-88 Ишонч телефони
  • (998 71) 236-76-58 Девонхона

Алишер Султонов Миллий олимпия қўмитасига раҳбар этиб сайланди

Ўзбекистон Миллий олимпия қўмитасининг янги раҳбарлар таркиби танланди.

Ўзбекистон Миллий олимпия қўмитасининг 6 январь куни Тошкентда бўлиб ўтган Бош ассамблеясида спорт ташкилотининг янги раҳбарлар таркиби танланди.

Овоз беришлар натижасида «Ўзбекнефтгаз» Миллий холдинг компанияси бошқарув раиси Алишер Султонов МОК президенти этиб сайланди. «Ўзбекистон ҳаво йўллари» Миллий авиакомпанияси раҳбари Валерий Тян, Салим Абдувалиев ва ўтган даврда ҳам мазкур лавозимда фаолият кўрсатган Фарҳод Турдиев унинг ўринбосарлари этиб сайланди. МОК бош котиби Ойбек Қосимов яна қайтадан ушбу лавозимда фаолият олиб борадиган бўлди.

Ассамблея ишида Ўзбекистон бош вазири Абдулла Арипов, бош вазир ўринбосарлари Адҳам Икромов ва Танзила Норбоева, мамлакат спорт федерацияларидан 140 нафарга яқин вакиллар иштирок этди.

2013−2016 йилларда МОК фаолият тўғрисидаги ҳисобот «қониқарли» деб қабул қилинди. Ассамблея делегатлари ўз вазифасини тарк этаётган МОК президенти Мираброр Усмоновга мамлакатда спорт ҳамда олимпия ҳаракатини ривожлантиришдаги улкан улушини қайд этган ҳолда унга миннатдорчилик билдиришди.

Манба: «Газета.uz»

Сўнгги ўзгартириш: 06.01.2017 15:51

Белгиланган матнни тинглаш учун куйидаги тугмани босинг Ишлатилинмокда GSpeech