Национальная Холдинговая Компания “Узбекнефтегаз”

A+ A-
  • (998 71) 233-57-57 Ягона алоқа рақами
  • (998 71) 233-28-88 Ишонч телефони
  • (998 71) 236-76-58 Девонхона

OGU-2016 Халқаро форум кундалиги

2016 йил 18 майда «Ўзэкспомарказ МКМ» АЖда «Ўзбекистон Нефти ва Гази - OGU 2016» 20-чи Юбилей Халқаро Кўргазмаси ва Конференциясининг расмий очилиш маросими бўлиб ўтди. Унда Ўзбекистон Республикаси Бош вазири ўринбосари Ғуломжон Ибрагимов, Болгария Республикаси Бош вазири Бойко Борисов иштирок этдилар.  

Форумга соҳа экспертлари ва дунёнинг етакчи компаниялари вакиллари ташриф буюрдилар, унинг кенг кўргазмалари ва илмий дастури эса углеводород хом ашёси бозорининг асосий масалаларини қамраб олган.

OGU-2016 биринчи кунининг энг муҳим воқеаларидан бири сифатида  «Ангрен» Махсус индустриал зонада база мойларини ишлаб чиқаришга мўлжалланган «Uz-Prista Recycling» Ўзбекистон-Болгария қўшма корхонасини ишга тушириш маросими бўлиб ўтди. Шу мақсадда Тошкент ва Ангрен ўртасида онлайн режимида телекўприк ташкил этилиб, унинг давомида томонлар янги заводнинг имкониятлари юзасидан маълумот бердилар.         

 OGU-2016 ўтган давр мобайнида инновацион технологияларни намойиш этиш майдони, тармоқ экспертларининг учрашиш жойига айланди. Бугун ушбу алоқалар индустриянинг жадал ривожланишида яққол намоён бўлмоқда. Ўзбекистон Республикаси Президентининг 2015 йил 4 мартдаги ПФ-4707-сонли «2015-2019 йилларда ишлаб чиқаришни таркибий ислоҳ қилиш, модернизациялаш ва диверсификациялашни таъминлаш чора-тадбирлари Дастури» углеводород хом ашёсини чуқур қайта ишлашга қаратилган бўлиб, тармоқни кенг технологик ривожлантиришни кўзда тутади.  Хусусан,2016 йилда 11 лойиҳа, 2017 йилда – 5 лойиҳа, 2018 йилда – 9 лойиҳа, 2019 йилда – 14 лойиҳа ва 2019 йилдан кейин яна 11 лойиҳалар доирасида қатор объектларни фойдаланишга топшириш кўзда тутилган. Қўйилган вазифалар «Ўзбекистон Нефти ва Гази» кўргазмаси ва конференциясининг ривожланиш йўналишларини белгилаб берди.  

Ушбу юбилей кўргазма ва конференция дунёнинг 26 мамлакатидан 200 дан ортиқ компанияларни ўзига жалб қилди. Қуйидаги бўлимларда энг нуфузли халқаро холдинг ва компаниялар маҳсулотларини тақдим этадилар, турли фанлар иштирокидаги лойиҳалар тўғрисида маълумот берадилар ва соҳа ривожи юзасидан ўз нуқтаи назарлари билан ўртоқлашадилар:

  • Геология, геофизика, сейсмик ускуналар ва хизматлар;
  • Нефть ва газни қазиб чиқариш (технологиялар ва ускуналар);
  • Нефть ва газ қудуқлари: қуриш ва фойдаланиш;
  • Ихтисослаштирилган материаллар ва ускуналар;
  • Нефть, нефть маҳсулотлари ва газни ташиш ва сақлаш;
  • Нефть ва газни қайта ишлаш; нефткимё; нефть маҳсулотларини ишлаб чиқариш;
  • Нефть ва газ саноати объектларини лойиҳалаштириш ва қуриш;   
  • Қувурлар ва трубопроводлар;
  • Газ турбиналари;
  • Асбоб-ускуналар;
  • Сервис хизматлар;
  • Саноатни автоматлаштириш;
  • Назорат-ўлчов асбоблари;
  • Муқобил энергетика;
  • Хавфсизлик техникаси ва ёнғинга қарши муҳофазаланиш;
  • Экологик хавфсизлик;
  • Алоқа, телекоммуникациялар.

 

Экспертлар OGU халқаро конференциясига бутун диққат-эътиборларини жалб қилдилар. Юбилей анжуман мавзуси: «Ўзбекистон нефтгаз сектори: технологиялар, инвестициялар ва ривожланиш».

Нуфузли форум доирасида кўргазманинг семинарлар зонасида “Ёш олимлар” секцияси бўлиб ўтмоқда.  Тошкент кимё-технологик институти, Тошкентдаги Губкин номидаги Россия Давлат нефть ва газ университети филиалининг талаба ва ёш мутахассислари ялпи мажлисларда Ўзбекистон нефтгаз соҳасини ривожлантиришнинг долзарб масалаларини ҳал қилишда ёшлар ролини муҳокама қиляптилар. Халқаро форум ўз ишини давом эттирмоқда.

Сўнгги ўзгартириш: 18.05.2016 16:20

Белгиланган матнни тинглаш учун куйидаги тугмани босинг Ишлатилинмокда GSpeech